Who is Kaalbhairav

એક પૌરાણિક કથાનુસાર, બ્રહ્માજીએ સમગ્ર સૃષ્ટિની રચના કર્યા બાદ પૃથ્વી પર મૃત્યુ ન થવાને કારણે ભાર વધ્યો. બ્રહ્માજીએ મૃત્યુ દેવીનું સર્જન કર્યું, પણ તેણે પ્રાણીઓને મારવાનો આદેશ સ્વીકાર્યો નહીં. બ્રહ્માજીએ સમજાવ્યું કે શરીરનું અંત કરવાનું તેનું કાર્ય છે, આત્મા અમર છે.

સમયના પ્રવાહમાં પૃથ્વી પર પાપ વધવા લાગ્યાં.  બ્રહ્માજી અસમર્થ દેખાયા ત્યારે ભગવાન શિવે પૂછ્યું “આ પાપનો નાશ કેવી રીતે કરશો?” જ્યારે બ્રહ્માજી પાસે ઉત્તર ન હતો, ત્યારે શિવજીના ક્રોધમાંથી કાલભૈરવ પ્રગટ થયા.

કાલભૈરવે તેમના નખથી બ્રહ્માજીનું પાંચમું મસ્તક કાપી નાખ્યું.  તે કારણે તેમને બ્રહ્મહત્યાનું પાપ લાગ્યું. પછી તેઓ ત્રણેય લોકમાં ભ્રમણ કરતા રહ્યા, પણ પાપમુક્તિ ન મળી અંતે જ્યારે કાલભૈરવ કાશી (વારાણસી) પહોંચ્યા,  ત્યારે તેઓ પાપમુક્ત થયા અને ત્યાંથી જ કાશીના રક્ષક દેવતા બન્યા.  તે સમયે આકાશવાણી થઈ “ભૈરવ, તું અહીં નિવાસ કર અને આ પવિત્ર નગરીની રક્ષા કર.

તેથી કાલભૈરવને આજે પણ કાશી ના કોઠવાલ તરીકે પૂજવામાં આવે છે.